Այս երիտասարդ կնոջ անվտանգությանը ոչինչ չի սպառնում. Փաշինյանը` մետրոյի միջադեպի մասին

Ինչպես արդեն տեղեկացրել ենք, այսօր մետրոյում վարչապետ Նիկոլ Փաշինյանի կողմից «Այո»-ի բուկլետներ բաժանելու ժամանակ, մի երիտասարդ աղջիկ բուկլետը պատռեց ու շպրտեց վարչապետի վրա: Այս առնչությամբ Նիկոլ Փաշինյանը ֆեյսբուքյան էջում գրել է.

«Ես սա համարում եմ «Այո»-ի ամենամեծ քարոզչությունը, որովհետեւ այս երիտասարդ կնոջ անվտանգությանը ոչինչ չի սպառնում, նրան անզգույշ չեն քաշքշում մոտակա զուգարանում, նա շարունակելու է ապրել իր բնականոն կյանքով, ազատ արտահայտելու է իր տեսակետը, աշխատանքից չի ազատվելու, որովհետեւ ապրում է եւ ապրելու է Ազատ եւ Երջանիկ Հայաստանում։

Նա Հայաստանի Հանրապետության Հպարտ քաղաքացի է։ Եւ ես` որպես Հայաստանի Հանրապետության վարչապետ, իմ պարտքն եմ համարում ապահովել նրա իրավունքների լիարժեք իրացումը։ Դուխով ժողովուրդ ջան, դուխով։)»,- գրել է վարչապետը: