«Վստրեչի Ապերի» մայրը շտապ օգնության մեքենայով տեղափոխվեց հիվանդանոց. news.am
Շտապ օգնության մեքենան քիչ առաջ հիվանդանոց տեղափոխեց Արամ Վարդանյանի՝ «Վստրեչի Ապերի» մորը՝ Ելենա Վարդանյանին։ Այս լուրը NEWS.am-ին հայտնել է Վարդանյանի մտերիմը։
Ավելի վաղ հայտնել էինք, որ ոստիկանության ծառայողները գտնվում են Վարդանյանի տանը։ Քննիչները փաստաբաններ Լուսինե Սահակյանին եւ Երվանդ Վարոսյանին ներկայացրին տան խուզարկություն իրականացնելու որոշումը։
Նշենք, որ գործողություններին ներկա է նաեւ Էրեբունու բաժնի ոստիկանապետը։
Հիշեցնենք, որ երեկ գիշերը՝ ժամը 02.40-ի սահմաններում, ոստիկանության հարյուրավոր աշխատակիցները ներխուժել են Արամ Վարդանյանին եւ նրա հարազատներին պատկանող Արցախի փողոցի 17 հասցեում գտնվող տներ։
Կատարված գործողությունների արդյունքում բերման են ենթարկել Արամ Վարդանյանի որդուն եւ 2 քաղաքացու, 2 քաղաքացի էլ ձերբակալվել է, որից մեկը Վարդանյանի եղբորորդին է, մյուսը՝ հարեւանը:
