Սիրիայում ավիահարվածի հետևանքով խաղաղ բնակիչներ են զոհվել: Այս մասին հայտնում է Anadolu գործակալությունը: Ավիահարվածի հետևանքով զոհվել է 16 մարդ, ևս 18-ը վիրավորվել են: 

Հաղորդվում է, որ Ռուսաստանի օդատիեզերական ուժերը հարձակվել են Սիրիայի Մարատ Միսրին քաղաքի մերձակայքում գտնվող թռչնաբուծարանի վրա, որտեղ այլ տարածքների փախստականները ապաստան են գտել: Մասնավորապես, սիրիացի Խալիլ Մուհամմադն ասել է, որ նա ընտանիքի և հարազատների հետ միասին թաքնվում է թռչնաբուծական ֆերմայում: 

Մուհամմադի խոսքով, ավիահարվածը եղել է գիշերը ժամը 02: 30-ի սահմաններում: