Ադրբեջանում կորոնավիրուսով վարակվածների թիվը հասել է վեցի: Այդ մասին հայտնել է երկրի կառավարությանն առընթեր օպերատիվ շտաբը, տեղեկացնում է ՌԻԱ Նովոստին:

Վարակակիրները երեքն էլ Իրանից են ժամանել Ադրբեջան։ Նրանցից մեկը Գերմանիայի քաղաքացի է։ Մյուս երկուսը Ադրբեջանի քաղաքացիներ են՝ 1994 և 1999 թվականներին ծնված։ Երկու ադրբեջանցիները Իրանում էին՝ սովորելու նպատակով։ Նրանք երկուսն էլ ուսանում էին Ղոմ քաղաքում, որտեղից էլ սկսվեց վարակի տարածումը Իրանում։