Ինչու եք նման լալահառաչ տոնով այդ հարցը տալիս. Փաշինյանը` ԼՀԿ պատգամավորին
Ինձ հետաքրքրում է, թե ինչու եք նման լալահառաչ տոնով այդ հարցը տալիս, իմանալով, որ դիզվառելիքի մի մեծ մասը նաեւ մնացած գյուղապետարաններում, այլ շրջնակներում մսխվում, գնում էր: Այս մասին այսօր՝ մարտի 4-ին, ԱԺ-ում կառավարության հետ հարցուպատասխանի ժամանակ նշեց ՀՀ վարչապետ Նիկոլ Փաշինյանը անդրադառնալով «Լուսավոր Հայաստան» խմբակցության պատգամավոր Արմեն Եղիազարյանի հարցին, որ գյուղացին այսօր անտեսված է, պարարտանյութերի սուբսիդավորումը դադարեցված է եւ այլն, փոխանցում է News.am-ը:
«Մենք ասում ենք՝ գյուղացուն օգնում ենք աշխատել, իսկ դուք ասում եք՝ գողության մեխանիզմը ինչու եք փակել, որոշ գյուղապետերի եւ «Ճ» կլասի պաշտոնյաների թողել անտեր: Լավ ենք արել: Որովհետեւ տասնյակ քրեական գործեր կան դրանցով հարուցված: Դուք մամուլում չեք կարդացե՞լ, որ սալյարկաները ինչ բարձրաստիճան պաշտոնյաների էին բաժին հասնում: Չեք կարդացե՞լ, որ դիզվառելիքը, ոևր տալիս ենք, որ բաժանվում է հեկտարների, ստացվում է, որ մեխ հողամասեր ունեցողները մեծ քանակով վառելիք, սելիտրա են ստանում, եւ ստացվում է, որ օլիգարխներին ենք ֆինանսավորում: Իսկ դուք ասում եք՝ գյուղացին մնացել է մենակ:
Մենք գյուղաիների համար տասնյակ ծրագրեր ենք անում, գումարներ ենք հետ տալիս: 11-ից ավելի ծրագիր եմ ես այստեղ ներկայացրել: Մենք զարգացման ծրագրեր ենք ներկայացնում, մենք ուզում ենք գյուղացուն այնպիսի զարգացման տրամաբանության մեջ դնել, որ ինքը օգնության կարիք չունենա: Կամ եթե կարիք լինի, այդ օգնությունը հասցեական գնա հասնի հասցեատերերին»,-ասաց վարչապետը:
