Ֆրանսիացիները առաջին անհրաժեշտության մթերքների պաշար են հավաքում
Ֆրանսիայի բնակիչներն ակտիվորեն մակարոնեղենի և առաջին անհրաժեշտության իրերի պաշար են հավաքում: Նրանք մտավախություն ունեն, որ կորոնավիրուսի տարածման պատճառով հնարավոր է մթերքների պակաս առաջանալ: Այս մասին մարտի 3-ին հայտնել Է BFM-TV հեռուստաալիքը:
Հեռուստաալիքի տվյալներով՝ վերջին մի քանի օրում Ֆրանսիայում 60 տոկոսով աճել են մակարոնի, 25 տոկոսով՝ ալյուրի, 20 տոկոսով՝ բրնձի վաճառքները:
Մինչդեռ մատակարարները հավաստիացնում են, որ կորոնավիրուսի պատճառով խանութներին սննդամթերքի և առաջին անհրաժեշտության իրերի մատակարարման ոչ մի խնդիր չի առաջանա:
