Հռոմի պապը չի մասնակցի միջոցառումներին մրսածության պատճառով
Հռոմի պապ Ֆրանցիսկոսը մրսածության պատճառով չի կարողանա մասնակցել հոգևոր խոհերի շաբաթին: Այս մասին նա պատմել է մարտի 1-ին Սուրբ Պետրոսի հրապարակում քարոզի ժամանակ, հայտնում է Վատիկանի կայքը:
Ֆրանցիսկոսը հրապարակում գտնվող ներկաներին դիմել է Վատիկանի պալատի պատուհանից: Նա նշել է, որ մրսածության պատճառով չի կարողանա ժամանել Հռոմի մերձակայքում գտնվող Արիչչա քաղաք:
Ըստ AFP-ի՝ Հռոմի պապի կիրակի օրվա ելույթն առաջինն էր նրա «թեթև հիվանդության» մասին լուրերից հետո:
Դրանից առաջ վերջին անգամ նա հանրության շրջանում հայտնվել է Հռոմում փետրվարի 26-ին տեղի ունեցած պատարագի ժամանակ, երբ ներկաները Հռոմի պապի մոտ նկատել էին հազ և մրսածություն:
