Չկա ավելի շահագրգիռ անձ, քան առողջապահության պատասխանատուները՝ կանխելու վիրուսի տարածումը, պարզապես ամեն մեկի քմահաճույքով հնարավոր չէ թեստեր անել՝ հիմնված միայն քաղաքացու ցանկության վրա, այսօր տեղի ունեցած մամուլի ասուլիսի ժամանակ ասաց ՀՀ առողջապահության նախարար Արսեն Թորոսյանը։

«Համաճարակաբանական տեսանկյունից հիվանդությունը սահմանափակելու իմաստ չունի՝ ուղղակի ցանկությամբ թեստ անել։ Մենք մի այդպիսի տհաճ դեպք ենք ունեցել, որ տուրք ենք տվել նման պահանջին։ Ես դրա համար ափսոսում եմ», - նշեց բանախոսը։