Իտալիայում COVID-19 կորոնավիրուսով վարակվածների թիվը հասել է 1049-ի, 29 մարդ մահացել է: Այս մասին շաբաթ օրը՝ փետրվարի 29-ին, հայտարարել է Քաղաքացիական պաշտպանության վարչության պետ Անջելո Բորելին: 
 

«Սկսենք դրական լուրերից: Չորս մարդ ապաքինվել է, նրանք Լիգուրիայից են: Այժմ ունենք 1049 վարակված: 29 մարդ մահացել է, ընդհանուր առմամբ 50 մարդ ապաքինվել է »,-ասաց նա մամուլի ասուլիսում: Ըստ պաշտոնյայի` վարակվածների 10 տոկոսը գտնվում են ինտենսիվ թերապիայի բաժանմունքում: Իսկ վարակվածների 50 տոկոսը գտնվում են տնային կարանտինում: Այդ մարդիկ կա՛մ չունեն արտահայտված սիմպտոմներ, կա՛մ կարիք չկա հոսպիտալացնելու: