Ամբողջ աշխարհում հայտնաբերվել է կորոնավիրուսով վարակված 80.422 դեպք

DXY.cn-ի վերջին տվյալներով՝ աշխարհում հայտնաբերվել է 80.422 մարդ, ովքեր հիվանդացել են նոր տեսակի կորոնավիրուսով: Նույն աղբյուրի փոխանցմամբ՝ ավելացել է այն մարդկանց թիվը, ովքեր կարողացել են վերականգնվել ու ապաքինվել կորոնավիրուսով վարակվելուց հետո:

Համաձայն վերջին տվյալների՝ աշխարհում հայտնաբերվել է 80 422 վարակված մարդ: Դրա հետ մեկտեղ, ամեն օր Չինաստանի սահմաններից դուրս վիրուսով վարակման հաստատված դեպքերի թիվը մեկ օրում ավելացել է 390-ով: Նոր տեսակի կորոնավիրուսից ընդհանուր առմամբ մահացել է 2.709 մարդ, ապաքինվել` 28. 001-ը: Իտալիայում գրանցվել է 322 դեպք, 11 մարդ մահացել է: 

Իսկ Չինաստանի 31 նահանգներից ստացված տվյալների համաձայն, կորոնավիրուսով վարակվածների թիվը անցնում է 78 հազարից, 2715 մարդ մահացել է, 29 745-ը՝ ապաքինվել և դուրս գրվել հիվանդանոցներից: Անցած մեկ օրվա ընթացքում Հուբեյի նահանգում գրանցվել է վարակի 401 նոր դեպք, մահացել է 52 մարդ: