Իրաքում ամերիկյան ռազմաբազաների հրթիռակոծության հետևանքով տուժածներ կան

Հունվարի 8-ին Իրանի կողմից Իրաքում ամերիկյան ռամզակայանի հրթիռակոծության հետևանքով վիրավորվել է առնվազն 11 մարդ: Այս մասին գրում է Defense One կայքը` հղում կատարելով իր աղբյուրներին: 

Տուժած զինծառայողները տեղափոխվել են Քուվեյթ և գերմանական Լանդսհուտ քաղաքում գտնվող ամերիկյան զինվորական հոսպիտալներ:

Հիշեցենենք, որ հունվարի 8-ին Իրանը հրթիռակոծել է Իրաքում տեղակայված ամերիկյան ռազմաբազաները՝ ընդհանուր առմամբ, արձակելով մոտ 15 հրթիռ: Նույն օրը Իրանը զինվորականների սխալի պատճառով խոցել է նաև ուկրաինական մարդատար ինքնաթիռը, որի 176 ուղևորները մահացել են: