Հայ ազգը հիշում է 30 տարի առաջ Բաքվում տեղի ունեցած ջարդերի զոհերին. Ավինյան

ՀՀ փոխվարչապետ Տիգրան Ավինյանը ֆեյսբուքյան իր էջում հետևյալ գրառումն է արել.

«Այսօր ամբողջ հայ ազգը հիշում է 30 տարի առաջ Բաքվում տեղի ունեցած ջարդերի հարյուրավոր զոհերին: 1990թ. հունվարի 13-19-ը տեղի ունեցած զանգվածային վայրագությունների արդյունքում մեր բազմաթիվ հայրենակիցներ սպանվեցին և բռնության ենթարկվեցին, իսկ շուրջ 250 հազար հայ բնակիչ ունեցող քաղաքը ամբողջովին հայաթափվեց:

Հարգանքի տուրք մատուցելով մեր զոհված հայրենակիցների հիշատակին՝ խոստանում ենք այլևս երբեք թույլ չտալ նմանատիպ ոճիրների կրկնությունը և անել առավելագույնը յուրաքանչյուր հայի կյանքի պաշտպանության համար»: