Ռուսաստանցի միլիարդատերերը վերջին չորս տարում հարստության ռեկորդային աճ են արձանագրել

2019 թվականին 23 ամենահարուստ ռուսաստանցիների միագումար կարողությունն աճել Է վերջին չորս տարվա ընթացքում առավելագույն տեմպերով՝ 52,9 միլիարդ դոլարով: Այս մասին  գրում Է Bloomberg գործակալությունը՝ վկայակոչելով Bloomberg Billionaires Index (BBI) ինդեքսի տվյալները:

Ինդեքսը հաշվարկվում Է այն ընկերությունների բաժնետոմսերի արժեքի հիման վրա, որոնցում միլիարդատերերը բաժիններ ունեն: Ընդամենը BBI-ի վարկանիշը ներառում Է աշխարհի 500 ամենահարուստ մարդկանց, ռուսաստանցիներից ներկայում դրա մեջ Է մտնում 23 մարդ:

Վարկանիշում առաջին տեղը կրկին զբաղեցրել Է «Նորնիկելի» հիմական սեփականատերերից մեկը՝ Վլադիմիր Պոտանինը, որի կարողությունը 2019 թվականին ավելացել Է 8,5 միլիարդ դոլարով՝ մինչեւ 28,2 միլարդ դոլար: Երկրորդ տեղն զբաղեցնում Է «Նովատեկի» համասեփականատեր Լեոնիդ Միխելսոնը, նրա հարստությունն ավելացել Է 5,2 միլիարդ դոլարով եւ հասել 24,6 միլիարդ դոլարի: Երրորդ տեղում Է «Լուկօյլի» համասեփականատեր Վագիթ Ալեքփերովը, նրա կապիտալն աճել Է 6,22 միլիարդով՝ մինչեւ 22,3 մլրդ դոլար, հաղորդել Է ՌԻԱ Նովոստին: