Այսօր Երևանում կոտրել են «Կամք» նախաձեռնության ղեկավար Վահագն Չախալյանի մեքենայի ապակիները: Այս մասին տեղեկացնում է ինքը Չախալյանը ֆեյսբուքյան էջում տեղադրելով լուսանկարները: 

«Սա արդեն չափ ու սահմանի, ավելի ճիշտ ռուբիկոնն անցնել է: Իրավապահ մարմինները եթե այս անգամ էլ անգործ մնացին, ապա ստիպված ենք լինելու մենք ինքներս միջոցներ ձեռնարկել... Բացարձակապես անընդունելի է այս ձևը: Ես վստահ չեմ՝ քաղաքական է եղել, թե ուղղակի, չնայած ոչ մեկի հետ կոնֆլիկտային վիճակ չկա, անձնական վիճակ չկա: Չեմ շտապում կապել մեր գործունեության  հետ, բայց Աստված ոչ անի, որ սա կապված լինի մեր գործունեության հետ»,-ասել է նա՝ իրավապահներին կոչ անելով անհապաղ պարզել պատահածը։

Վահագն Չախալյանի նախաձեռնությունը արդեն ամիսներ շարունակ Երևանում և մարզերում ստորագրահավաք է անցկացնում ընդդեմ Ստամբուլյան կոնվենցիայի: