Թբիլիսիում առաջարկում են տոներին մեկնել Երևան. Կարապետյան

Թբիլիսիում առաջարկում են տոներին մեկնել Երեւան: Թբիլիսիի կենտրոնական հատվածում տարածվում են գովազդային վահանակներ, սոցիալական հարթակների ու տեղական ռադիոյի միջոցով իրականացվում է «Տոնենք Ամանորը հարեւանների հետ» մարքեթինգային արշավը:

Թբիլիսիի կենտրոնում տեղադրված վահանակներից մեկին հանրահայտ երաժիշտ Գորան Բրեգովիչի ազդագիրն է, որտեղ վրացերենով գրված է դեկտեմբերի 31-ին կայանալիք նրա համերգի ժամն ու վայրը:

Երեւանի քաղաքապետի խոսնակ Հակոբ Կարապետյանը ֆեյսբուքյան իր էջի միջոցով հայտնում է, որ Երեւանի քաղաքապետարանի եւ ՀՀ ԷՆ զբոսաշրջության կոմիտեի համագործակցության արդյունքում Երեւանում անցկացվող ամանորյա միջոցառումները լայնորեն լուսաբանվում են Վրաստանում: