Երևանի օդն առողջության համար վտանգավոր է դարձել․ Էկո-Մեդիա

Էկո-Մեդիա ցանցը ահազանգում է․ «Հին մեքենաների պատճառով Երևանի օդն առողջության  համար վտանգավոր է դարձել։ 

Այսօր քարտեզը երեկվանից ավելի կեղտոտ է ցույց տալիս օդը։ Երեկ գրառում էի արել օդի աղտոտվածության համաշխարհային քարտեզի վերաբերյալ և Հայաստանի իրավիճակը, որ արտահայտված էր այդ քարտեզում։ Այս քարտեզը որոշեցի ներբեռնել գուգլ մարկետից ու իմ շարժի հետ հետևել որտեղ ինչ չափի է աղտոտվածությունը օդի։ Պատկերը ահավոր մտահոգիչ է։ Պատճառնել նշվում` է pm2.5 քանակի գերազանցումը։ Դա օդը հիմնականում ծանր մետաղներով կեղտոտող նանոմասնիկներն են, որ շնչելով մենք թոքային տարբեր հիվանդություններ ենք ստանում։ Եվ դրանց պատճառը մեր երկիր ներմուծված հին մեքենաներն են հիմնականում ու հանքարդյունաբերությունը։ Այդ մեքենաները առանց ֆիլտրի են ու մեկ-երկու տարվա մեջ դրանց պատճառով մեր երկիրը Առողջապահության համաշխարհային կազմակերպության ցուցանիշներով առողջության համար վտանգավոր է դարձել, իսկ զբոսաշրջիկներին խորհուրդ են տալիս զգուշ լինել Հայաստանում, առնվազն դիմակ հագնել։ Իսկ մենք ասում ենք Չինաստանն ու Հնդկաստանն է կեղտոտ»։