ՏԵՍԱՆՅՈՒԹ. Գառնիի բնակիչը տան այգում կանեփ է աճեցրել՝ անձնական օգտագործման համար
ՀՀ ոստիկանության լրատվական ծառայությունը հայտնում է, որ դեկտեմբերի 5-ին Գառնիի բաժանմունքում տեղեկություններ են ստացվել, որ Գառնիի բնակիչներից մեկն իր տանն ապօրինի կերպով թմրանյութ է պահում և օգտագործում:
Հարուցված քրեական գործի շրջանակներում դեկտեմբերի 6-ին Գառնիի բնակչի տանը կատարված խուզարկությամբ նկուղի սառնարանում գտնվող ապակե և պլաստմասե տարաների մեջ հայտնաբերվել է ընդհանուր 410.43 գրամ դեղնականաչավուն չորացված զանգված, ինչը, ըստ տանտիրոջ հայտարարության, կանեփի չորացված զանգված է, ինքն է իրենց տան այգում ցանել և աճեցրել՝ անձնական օգտագործման համար:
Հայտնաբերվածն ուղարկվել է փորձաքննության։
Նախաքննությունը շարունակվում է։
