![ԱԺ-ն ընդունեց զինծառայությունից նաև 5 տարի անց հաշմանդամության կարգ տալու մասին օրինագիծը](https://auroranews.am/storage/img/base_image/old/b699f6d595a37d1548507bbefc4e6d35.webp)
ԱԺ-ն ընդունեց զինծառայությունից նաև 5 տարի անց հաշմանդամության կարգ տալու մասին օրինագիծը
![ԱԺ-ն ընդունեց զինծառայությունից նաև 5 տարի անց հաշմանդամության կարգ տալու մասին օրինագիծը](https://auroranews.am/storage/img/base_image/old/b699f6d595a37d1548507bbefc4e6d35.webp)
Խորհրդարանն այսօր առաջին ընթերցմամբ ընդունեց կառավարության ներկայացրած՝ «Պետական կենսաթոշակների մասին» ՀՀ օրենքում փոփոխություններ կատարելու մասին օրենքի նախագիծը, որով առաջարկվում է զինվորական ծառայությունից նաեւ 5 տարի անց հաշմանդամության կարգ տալ:
Ավելի վաղ՝ հոկտեմբերի 10-ին ՀՀ կառավարությունը նիստի ժամանակ հավանություն էր տրվել այս նախագծին։ Այն ներկայացրել էր Աշխատանքի եւ սոցիալական հարցերի նախարարի առաջին տեղակալ Գեմաֆին Գասպարյանը․
«Երբ զինվորական ծառայության ընթացքում ստացվել է վնասվածք, խեղում կամ հիվանդություն, եւ դրա հիմքով դիմել են ՊՆ-ի դեպքում կենտրոնական ռազմական հանձնաժողով, Ոստիկանության դեպքում՝ իր համապատասխան հանձնաժողովը, տրվել է այդ հիվանդության, վնասվածքի կամ խեղման հետ կապված զինվորական կապ, որը ներկայացվել է մեր բժշկասոցիալական հանձնաժողովին, որը եւ նշանակում է հաշմանդամության կարգը, բայց դա տրվել է ծառայությունից ազատումից հետո հինգ տարի ժամկետով: Մենք դեպք ենք ունեցել, որ 2000 թ. մարդը դուրս է եկել ծառայությունից, բայց 2018 թ. է դիմել հաշմանդամության կարգի հետ կապված, եւ պատճառական կապ է առաջացրել։ Եվ քանի որ օրենքում նշված է, որ հինգ տարուց հետո չենք կարող զինվորական պատճառական կապ տալ, եւ կարող ենք միայն աշխատանքային հաշմանդամության կենսաթոշակ նշանակել, ՍԴ-ն որոշել է, որ սա հակասում է Սահմանադրությանը, եւ մենք հանում ենք այդ կարգավորումը»,- նշել էր փոխնախարարը: