Երևանում բախվել են «Օպել»-ն ու շտապօգնության մեքենան․ ներսում հիվանդ է եղել
Դեկտեմբերի 3-ին՝ ժամը 23:00-ին, «911» ծառայություն ահազանգ է ստացվել, որ Երևանի Կոմիտասի պողոտայի և Վաղարշյան փողոցի խաչմերուկում տեղի է ունեցել ՃՏՊ՝ ավտոմեքենան բախվել է շտապօգնության ավտոմեքենային: Առկա է գազի արտահոսք: Այդ մասին հայտնում է ԱԻՆ մամուլի ծառայությունը:
Ըստ հաղորդագրության՝ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և աղետների բժշկության կենտրոնի հերթապահ բժիշկը:
Պարզվել է, որ բախվել են «Opel Vectra» մակնիշի (վարորդ՝ Արամ Խ.) և շտապօգնության ծառայության (վարորդ՝ Մելիք Մ.) ավտոմեքենաները. շտապօգնության ավտոմեքենայում գտնվող հիվանդը քաղաքացիների ուժերով տեղափոխվել է «Սուրբ Աստվածամայր» ԲԿ:
Փրկարարները հոսանքազրկել են «Opel Vectra» մակնիշի ավտոմեքենան:
