Մեդվեդևն ու Մեհրիբան Ալիևան քննարկում կունենան
Ռուսաստանի Դաշնության վարչապետ Դմիտրի Մեդվեդևն ու Ադրբեջանի առաջին փոխնախագահ Մեհրիբան Ալիևան նոյեմբերի 21-ին Մոսկվայում կայանալիք հանդիպմանը կքննարկեն երկու երկրների համագործակցությանը վերաբերող հարցեր: Այս մասին տեղեկացնում է tass.ru-ն՝ հղում անելով ՌԴ կառավարության մամուլի ծառայությանը:
«Ռուսաստանի կառավարության ղեկավար Դմիտրի Մեդվեդևը և Ադրբեջանի առաջին փոխնախագահ Մեհրիբան Ալիևան կքննարկեն ռուս-ադրբեջանական համագործակցությունն առևտրատնտեսական, գիտատեխնիկական, մշակութային, հումանիտար և այլ ոլորտներում»,-ասված է մամուլի ծառայության հաղորդագրության մեջ:
Ադրբեջանի առաջին փոխնախագահ նշանակված Մեհրիբան Ալիևան նաև Ադրբեջանի առաջին տիկինն է՝ նախագահ Իլհամ Ալիևի կինը:
