Կարեն Ղազարյանին բռնությամբ ոստիկանություն տեղափոխելու և նրա նկատմամբ անհամաչափ ուժ գործադրելու վերաբերյալ հրապարակումների կապակցությամբ ոստիկանության պետի ժամանակավոր պաշտոնակատար Արման Սարգսյանի հրամանով նշանակվել է ծառայողական քննություն։ 

Այս մասին ArmDaily.am-ին հայտնել են ոստիկանությունից։

Հիշեցնենք, որ երեկ առավոտյան Hraparak.am-ը գրել էր, որ Վազգեն Սարգսյանի անվան մարզադաշտի հարակից տարածքից՝ ծաղկի շուկայի մոտից, ոստիկանության աշխատակիցներն առանց բացատրության, բռնի ուժով վեցերորդ վարչություն են տարել շուկայի աշխատակիցներից մեկին՝ Կարեն Ղազարյանին, եւ ծեծելով փորձել ցուցմունք կորզել ԱԱԾ նախկին տնօրեն Արթուր Վանեցյանի դեմ։ Ավելի ուշ հայտնի դարձավ, որ բերման ենթարկվածները հինգն են, որոնց նկատմամբ ֆիզիկական բռնություն է գործադրվել եւ նրանց վրա մարմնական վնասվածքներ կան։