Թուրքական բանակն այսօր հարվածներ է հասցնում Սիրիայի 2 գյուղերի ուղղությամբ

Արդեն 6-րդ օրն է, ինչ Թուրքիան ռազմական գործողություններ է իրականացնում Սիրիայի հյուսիս-արեւելքում:

Sana գործակալությունը հայտնում է, որ այսօր թուրքական բանակը հրետանային հարվածներ է հասցրել Հասակե նահանգի Ադ-Դարբասիա եւ Ալ-Քարմանիա գյուղերի ուղղությամբ:

Թուրքական ռեժիմի ուժերը շարունակում են զինված գործողությունները Հասակե եւ Ռաքքա շրջաններում հասցնելով օդային եւ հրետանային հարվածներ գյուղերի, քաղաքների եւ կենսական կարեւորություն ունեցող շինությունների ուղղությամբ, ինչպիսիք են՝ հիդրոկայաններն ու էլեկտրակայանները, նավթային օբյեկտները, բնակելի թաղամասերը, հիվանդանոցները:

Արդյունքում մեծ թվով զոհեր եւ վիրավորներ կան խաղաղ բնակչության շրջանում, հասցվել է հսկայական նյութական վնաս եւ վնասված են կարեւոր ենթակառուցվածքներ: