Երեկ Արմավիր քաղաքի հիվանդանոց է տեղափոխվել Արմավիրի մարզի գյուղերից մեկի բնակիչ, 15-ամյա պատանի։ Այդ մասին հայտնում է Sputnik Արմենիա-ն:

Նրա մարմնի տարբեր մասերին, այդ թվում՝ որովայնին, դանակի հարվածներից առաջացած վնասվածքներ են եղել։ Բժիշկները պարզել են, որ զարկերակն արնահոսում է։ Անհետաձգելի բուժօգնության արդյունքում պատանու կյանքը փրկվել է։

Ըստ շրջանառվող լուրերի՝ անչափահասը բուժհաստատություն է տեղափոխվել Արմավիր քաղաքի ավտոկայանի տարածքից։ Ամենայն հավանականությամբ, հենց այստեղ էլ տեղի է ունեցել դեպքը, քանի որ մի քանի ժամ շարունակ ոստիկանության ծառայողները գործողություններ են իրականացրել ավտոկայանի տարածքում։

Ըստ տեղեկությունների  նույն օրը ոստիկանության բաժին է բերման ենթարկվել 17- 18 տարեկան երիտասարդ:

Արմավիրում խոսում են, որ հենց այդ տղան է վիճաբանության ժամանակ դանակով մի քանի անգամ հարվածել հիվանդանոց տեղափոխված պատանուն։