\n
ՏԵՍԱՆՅՈՒԹ. Էն դրսի զուգարանների կուլտուրան պիտի դուրս գա․ Փաշինյան
Հայաստանի ամենամեծ խնդիրներն են աղբը՝ ներառյալ ժանգոտած կուզովներն ու «բուդկաները» և զուգարանների բացակայությունը։ Այս կարծիքն այսօր համաժողովի ժամանակ արտահայտեց վարչապետ Նիկոլ Փաշինյանը։
Նա բողոքեց, որ թեև բենզա-գազալցակայաններն ունեն պարտավորություն` զուգարաններ ունենալ, բայց դրանց մի մասը չունի, մյուս մասի մոտ էլ ստանդարտներին համապատասխան չեն։ Ընդ որում, ըստ Փաշինյանի, հասել է մի վիճակի, երբ իշխանությունները պետք է վարչական տույժեր կիրառեն նրանց նկատմամբ, որոնք բարձր ստանդարտի զուգարաններ չեն ունենա։
*
Ռազմավարական մտածողություն է անհրաժեշտ, որպեսզի գյուղական ճանապարհներ սարքելիս սարքվի այնպես, որ ցեխից փչացող ճամփաներ չլինեն։ Այսպիսի կենցաղային մոդելներով վարչապետ Նիկոլ Փաշինյանն այսօր համաժողովի մասնակիցներին բացատրեց իշխանության տեսլականը։
Նրա խոսքով՝ գյուղական տներում պետք է լինեն բաղնիք, ցնցուղ, մշտական տաք ջուր, «Էն դրսի զուգարանների կուլտուրան ընդհանրապես պիտի դուրս գա»։
Մանրամասները՝ տեսանյութներում:
