«Ամենաքիչը «ներողություն» գրությամբ շոկոլադներն են վաճառվում». «Բայց դա հեղափոխության հաջողությունների մեջ է»

Այսօր համաժողովի պաշտոնական մասից հետո Սասունիկ համայնքում Նիկոլ Փաշինյանը շրջել է տաղավարներում, դրանցից մեկի մոտ, ուր շոկոլադների բիզնեսով զբաղվող սփյուռքահայ գործարարը ներկայացնում է իր տաղավարը, հետաքրքիր ու զվարճալի պատմություններ է լսում: 


Գործարարը նշում է, որ ամենաքիչը «ներողություն» գրությամբ շոկոլադներն են վաճառվում, վարչապետն էլ հուսադրում է՝ ասելով. 

«Ոչինչ ժամանակի ընթացքում ավելի շատ կվաճառվի, հեղափոխության մեկնարկից հետո ես երևի մի 1000 անգամ ներողություն եմ խնդրել տարբեր առիթներով, նորմալ բան է: Ես կարծում եմ, որ այս բառը հեղափոխության հաջողությունների մեջ է, որովհետև երբ ճանապարհ էինք փակում ու ներողություն էինք խնդրում, մթնոլորտ էր փոխվում, միշտ լավ կլինի քաղաքացիները պայուսակում ունենան, երբ որ դժվար է արտասաբնվում կովկասցու համար»: 

Իսկ գործարարն էլ ընդգծում է, որ հայերը շատ վատատես են ու պատմում իր պատմությունը: 


«2007-ին, երբ սկսանք բիզնեսը, գիտեք Ավստրիայից հայրենադարձ ենք, Աշտարակից, երբ որ գալիս էիք Երևան, բիզնեսը գրանցենք, տաքսու շոֆերին ասում եմ՝ ինչ լավ է, ծառերը ծաղկել են, բացասական ու կոպիտ ասեց՝ հեսա կարկուտը կգա ու սաղ կտանի, ասում եմ էս միջավայրում ոնց կարելի է բիզնես անել, բայց շարունակեցի ու հասա այնտեղ, ուր որ հասա»: