Թուրքիայի փոխնախագահը պատասխանել է Թրամփի «սպառնալիքներին»

Թուրքիայի փոխնախագահ Ֆուաթ Օքթայը հայտարարել է, որ երկիրը վճռականություն և ուժ է ցուցաբերում սեփական ծրագրերն իրագործելու հարցում, երբ հարցը վերաբերում է ազգային անվտանգությանը, և կան սպառնալիքներ: Այս մասին հայտնում է Daily Sabah-ը:

«Թուրքիան չի ընդունի ահաբեկչական միջանցքի ստեղծում կամ հարևանությամբ ահաբեկչական պետություն, ինչ էլ որ լինի»,- ասել է Օքթայը:

Նա ավելացրել է, որ Թուրքիան կպահպանի սիրիացիների ապագայի վերաբերյալ իր մոտեցումը՝ տարածաշրջանում խաղաղության հաստատման համար:

Ավելի վաղ ԱՄՆ նախագահ Դոնալդ Թրամփը հայտարարել էր, որ ավերելու է Թուրքիայի տնտեսությունը, եթե Անկարան թույլատրելիից դուրս քայլեր ձեռնարկի: