Ծառուկյանը գիտի 20 օր հետո ինչ է լինելու. Ծառուկյան
Այսօր ԱԺ «Բարգավաճ Հայաստան» խմբակցության ղեկավար Գագիկ Ծառուկյանը լրագրողների հետ զրույցում անդրադարձավ Կառավարության առաջարկած տնտեսական հեղափոխության ծրագրին:
«Կառավարության ներկայացրած այդ ծրագիրը տնտեսական հեղափոխության ծրագիր չի կարող լինել: Հենց առաջին օրն եմ ասել և կարող եմ գրել, ստորագրել: Դա տնտեսական հեղափոխության ծրագիր չէ, և տնտեսական հեղափոխություն չի կարող լինել այդ ծրագրով, այդ մոտեցմամբ: Ասենք թե՝ դա տնտեսական հեղափոխությունից 100 կիլոմետրերով հեռու է»,- նշեց Ծառուկյանը։
Խոսելով ներկա քաղաքական վիճակի, ընդդիմություն-իշխանություն հարաբերությունների մասին, Ծառուկյանը նշեց.
«Ես ընտրությունների ժամանակ անգամ իմ կոլեկտիվին չեմ ասել, որ մեզ ձայն տան։ Միշտ ասել եմ, ոնց ձեզ ձեռք է տալիս, այդպես էլ արեք։ Ինչ վերաբերում է ներդրումներին, Ծառուկյանը ամեն ինչին տիրապետում է, ամեն ինչ գիտի։ Դուք որ չգիտեք 20 օր հետո ինչ է լինելու, դա էլ ես գիտեմ։ 2 պոչամբար է քանդած, մի 30 հատ էլ տեխնիկա կա, դա պետք է լիներ մի 30 մլն, ին՞չ 400 մլն»,- նշեց նա։
