Դատարանն արգելանք է կիրառել Ղրղզստանի նախկին նախագահ Աթամբաևին պատկանող հեռուստաալիքի ու ընկերության նկատմամբ

Ղրղզստանի նախկին նախագահ Ալմազբեկ Աթամբաևին պատկանող «Ապրիլ» հեռուստաալիքի և «Մեդիա ֆորում» ընկերության վրա դատարանը nրոշել է արգելանք կիրառել, գրում է rbc-ն:

Ավելի վաղ հաղորդվել էր, որ ուժայինները կնքել են Բիշքեկում գտնվող «Մեդիա ֆորում»-ի շենքը: Աթամբաևի հեռուստաալիքը նույնպես գտնվում է այդ շենքում:

Նշվում է, որ հեռուստաալիքի աշխատողներին 10 րոպե է տրվել իրերը հավաքելու համար, իսկ այս պահին ոչ ոք չգիտի, թե որտեղ է հեռուստաընկերության տնօրեն Դմիտրի Լոժնիկովը:

Հիշեցնենք, որ Աթամբաևը երկու օր առաջ ինքնակամ հանձնվել է իշխանություններին, այժմ նա գտնվում է քննչական մեկուսարանում: Նա կալանքի տակ կմնա մինչև օգոստոսի 26-ը: