Դավիթ Գրիգորյանի աշխատասենյակը խուզարկելու վերաբերյալ թույլատվությունը բեկանվեց
Երևանի ընդհանուր իրավասության դատարանի դատավոր Դավիթ Գրիգորյանի պաշտպաններից Գեորգի Մելիքյանը ֆեյսբուքյան իր էջում գրել է. «Այսօր Վերաքննիչ դատարանը բավարարեց Դավիթ Գրիգորյանի գործով բողոքը բեկանեց խուզարկությունը թույլատրելու մասին դատարանի որոշումը։
Մոտենում ենք պատվիրատուների պատասխանատվության կանչելուն քիչ մնաց»:
Հիշեցնենք, որ ՀՔԾ աշխատակիցները խուզարկություն էին կատարել Երևան քաղաքի ընդհանուր իրավասության առաջին ատյանի դատավոր Դավիթ Գրիգորյանի աշխատասենյակում:
