Արցախի նախագահ Բակո Սահակյանը հարցաքննվե՞լ է․ պատասխանում է ՀՔԾ պետը

ՀՔԾ պետ Սասուն Խաչատրյանից հուլիսի 1-ին լրագրողները հետաքրքրվեցին՝ ճի՞շտ են տեղեկությունները, որ Արցախի նախագահ Բակո Սահակյանը հարցաքննվել է Մարտի 1-ի քրգործի շրջանակներում: «Այսօր մարտի 1-ի դեպքից չենք խոսում, այսօր տոն է»,- ասաց նա:

Հարցին, թե ինչպե՞ս կվերաբերեք, եթե թույլ չտան ձեզ եւ մյուսներին մտնել ՀՔԾ շենք ու աշխատել, նա պատասխանեց. «Իրավապահ մարմինների գործունեությունը առանձնանում է նրանով, որ շատ դեպքերում մի կողմը միշտ դժգոհ է մնում: Քաղաքացիներ են լինում, որ գալիս են խոչընդոտում են մուտքը: Ես չեմ կարող ասել՝ նորմալ է, թե ոչ, բայց լինում են նման բաներ: Մարդիկ իրենց վրդովմունքը, տեսակետն են արտահայտում: Եթե պետական պաշտոնյայի համար թույլատրելի է միայն այն, ինչ նախատեսված է օրենքով, քաղաքացու համար թույլատրելի է ամեն ինչ, ինչն արգելված չէ օրենքով»:

Անդրադառանաlով ՀՔԾ-ն լուծարելու մասին լուրերին՝ Խաչատրյանը նշեց. «e-draft կայքում արդեն հրապարակվել է հակակոռուպցիոն ռազմավարությունը: Այդ նախագծով նոր հակակոռուպցիոն մարմնի ստեղծումը ենթադրում է ՀՔԾ-ի լուծարում, բայց դեռևս դա նախագիծ է, կոնկրետ օրենք այս պահին շրջանառության մեջ դրված չկա, կապրենք՝ կտեսնենք»:

Դիտարկմանը՝ հնարավո՞ր, որ  հրաժեշտ տա պաշտոնին,  ասաց. «Դա ես չեմ որոշում: Կոռեկտ չէ, որ նման բաների մասին ես հիմա խոսեմ»: