Փրկարարները տապալված ծառեր են հեռացրել ճանապարհներից

ԱԻՆ «911» ծառայությանը այսօր՝ հունիսի 28-ին, ժամը 19:37-ին  տեղեկություն է ստացվել, որ Մ4 ավտոճանապարհի Իջևան-Նոյեմբերյան հատվածի 10-րդ կմ-ին ծառ է ընկել և ճանապարհը դարձրել միակողմանի. անհրաժեշտ է փրկարարների օգնությունը: Այս մասին տեղեկացնում են ԱԻՆ լրատվական ծառայությունից։

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Փրկարարները ճանապարհի երթևեկելի հատվածից հեռացրել են ծառը:

Նույն օրը՝ ժամը 17։53-ին, «911» ծառայությանը տեղեկություն է ստացվել, որ Երևան-Սևան ավտոճանապարհի 57-րդ կմ-ին ծառն ընկել է ճանապարհի երթևեկելի հատված և խոչընդոտում է երթևեկությանը։

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Փրկարարները ճանապարհից հեռացրել են ծառը։