Մանվել Գրիգորյանի որդուն մեղադրանք է առաջադրվել
ArmDaily.am-ի տեղեկություններով՝ ԱԺ նախկին պատգամավոր, անազատության մեջ գտնվող Մանվել Գրիգորյանի որդուն՝ Էջմիածնի նախկին քաղաքապետ Կարեն Գրիգորյանին մեղադրանք է առաջադրվել։ Մեզ հաջողվեց պարզել, որ Կարեն Գրիգորյանին մեղադրանք է առաջադրվել առանձնապես խոշոր չափերի յուրացում կատարելու համար, խափանման միջոց է ընտրվել ստորագրությունը։ Խոսքը ավելի քան 30մլն դրամի մասին է, բանն այն է, որ Գրիգորյանը իր հոր թիկնապահին ու բազմաթիվ անձանց աշխատանքի է ընդունել քաղաքապետարանում, վարձատրել պետբյուջեի հաշվին։
Քննչական կոմիտեի տեդեկատվության եւ հասարակայնության հետ կապերի բաժնի պետ Նաիրա Հարությունյանը լրատվամիջոցի հետ զրույցում հաստատեց տեղեկությունները՝ նշելով, որ ձեռք բերված բավարար ապացույցների հիման վրա Էջմիածին քաղաքային համայնքի նախկին ղեկավարին մեղադրանք է առաջադրվել ՀՀ քրեական օրենսգրքի 38-179-րդ հոդվածի 3-րդ մասի 1-ին կետով (երեք դրվագ), 38-179-րդ հոդվածի 2-րդ մասի 1-ին և 3-րդ կետերով (երկու դրվագ), 38-179-րդ հոդվածի 2-րդ մասի 1-ին կետով և ՀՀ քրեական օրենսգրքի 179-րդ հոդվածի 2-րդ մասի 1-ին և 3-րդ կետերով:
