ՀՀ իշխանությունները Արցախի նախագահական ընտրություններում չեն կարող ունենալ իրենց թեկնածուն․ Արարատ Միրզոյան

ՀՀ իշխանությունները Արցախի նախագահական ընտրություններում չեն կարող ունենալ իրենց թեկնածուն։ Այս մասին այսօր ԱԺ-ում լրագրողների հետ զրույցում ասաց ԱԺ նախագահ Արարատ Միրզոյանը՝ պատասխանելով հարցին, թե ՀՀ-ն թեկնածու ունի՞ Արցախում 2020 թվականին կայանալիք նախագահական ընտրություններում։

Միրզոյանն ասաց, որ Հայաստանից նույնիսկ որեւէ թեկնածուի սատարելու իրավունք չունեն, քանի որ դա կլինի մջիամտություն այլ երկրի գործերին։

Անդրադառնալով  իշխող խմբակցության պատգամավոր Սասուն Միքայելյանի` նիստերից բացակայելուն և մանդատը վայր դնելու մասին լուրերին, ԱԺ նախագահը նշել է. «Ակնհայտ է, որ Միքայելյանը նիստերին չի գալիս, բայց ինչու՝ չգիտեմ, բայց ամեն անգամ նիստին չգալու համար չենք կարող մտածել, որ մանդատն ուզում է վայր դնել»: