Ռուսաստանաբնակ հայտնի շոումեն և դերասան Միխայիլ Գալուստյանն Instagram-ի իր էջում Հայաստանի մասին տեսանյութ է հրապարակել:

Շոումենը տեղեկացրել է նաև, որ մեկ շաբաթով մեկնում է Երևան։

«Իմ պատմական հայրենիք: Կտեսնվենք այնտեղ», - Instagram-ում գրել է Միխայիլ Գալուստյանը:

Մեկնաբանություններում շոումենի հետևորդներից մի քանիսը նրան «մեղադրել» են Ռուսաստանից Վրաստան զբոսաշրջային հոսքի կրճատման ֆոնին Հայաստանը գովազդելու համար: Գալուստյանն արձագանքել է մեկնաբանություններին՝ նշելով, որ ինքը սիրում է իր հայրենիքը և մեծ հաճույքով է մեկնում այնտեղ։