Թբիլիսիի Ռուսթավելի պողոտայում այսօր կրկին բողոքի ակցիա կանցկացվի
Այսօր երեկոյան` ժամը 19:00-ին, կրկին Թբիլիսիի Ռուսթավելի պողոտայում կվերսկսվի հերթական բողոքի ակցիան:
Տեղի լրատվամիջոցները հայտնում են, որ ցուցարարները այսօր շարժվելու են «Վրացական երազանք - Ժողովրդավարական Վրաստան» քաղաքական միավորման նախագահ Բիձինա Իվանիշվիլիի բիզնես կենտրոնի մոտ:
Բողոքի ակցիայի մասնակիցները հայտնում են, որ ակցիաները չեն դադարի այնքան ժամանակ, մինչև Վրաստանի ներքին գործերի նախարար Գեորգի Գախարիան հրաժարական չտա:
Նշենք, որ իշխանությունները կատարել էին ցույցերի մասնակիցների մյուս պահանջները՝ Վրաստանի խորհրդարանի խոսնակ Իրաքլի Կոբախիձեի հրաժարական, համամասնական ընտրակարգով արտահերթ խորհրդարանական ընտրությունների նշանակում և հունիսի 20-ին բոլոր ձերբակալվածների ազատ արձակում:
