ՍԴ դատավոր ընտրված երիտասարդը մեծ կիքս թույլ տվեց՝ հայտարարելով, որ ինքը ՍԴ նախագահն է. Հրանտ Բագրատյան
ՍԴ դատավոր ընտրված երիտասարդը մեծ կիքս թույլ տվեց՝ հայտարարելով, որ ինքը ՍԴ նախագահն է: Livenews.am-ի եթերում նման կարծիք հայտնեց նախկին վարչապետ, տնտեսագետ Հրանտ Բագրատյանը՝ անդրադառնալով ՍԴ նորանշանակ դատավոր Վահե Գրիգորյանի հայտարարությանը:
Հիշեցնենք, որ Վահե Գրիգորյանը ՍԴ դատավորի պաշտոնը ստանձնելու երդման ժամանակ հայտարարեց, որ ստանձնում է ՍԴ նախագահի պաշտոնը:
«Հավանաբար ինքը նկատի ուներ, որ նախկինում եղել է ՍԴ անդամ և ՍԴ դատավոր և որ ինքն այս պահին միակ դատավորն է»,-ասաց Բագրատյանը: Ըստ նրա՝ ստեղծված իրավիճակում կա իրավական կազուս:
«Ես իշխանությունների հետ շփումների ժամանակ արտահայտել եմ իմ դժգոհությունները՝ դատարան փակելու կամ այդպիսի հայտարարությունների մասով: Մի օր էլ մեկն իրեն կհայտարարի վարչապետ, մեկ այլ օր՝ նախագահ, սրանք պետք է կասեցվեն: Ես հորդորել եմ այսօրվա իշխանություններին՝ դա թույլ մի տվեք, հուսով եմ՝ նրանք իմ հորդորներին ականջալուր կլինեն»:
