Կամերունում զբոսաշրջային ավտոբուսը բախվել է բեռնատարին․ 22 զոհ կա
Կամերունում զբոսաշրջային ավտոբուսի և բեռնատարի մասնակցությամբ ավտովթարի հետևանքով 22 մարդ է մահացել: Այս մասին հայտնում է Cameroon-Info-ն:
Վնասվածքներ ստացած մարդիկ արագ տեղափոխվել են հիվանդանոց: Նրանց առողջական վիճակի վերաբերյալ դեռևս տեղեկություններ չեն հաղորդվում։
Ականատեսները նշել են, որ մեղավորն ավտոբուսի վարորդն է եղել, որը գերազանցել է արագությունն ու տրանսպորտային միջոցը վարել է չափազանց անուշադիր:
Նախաքննություն է ընթանում դեպքի հանգամանքները պարզելու ուղղությամբ։
