Երկու ամսվա ընթացքում սուպերմարկետից 11 շիշ օղի ու 14 շիշ կոնյակ է գողացել
Հունիսի 18-ին, ժամը 14.15-ին, ոստիկանության Մաշտոցի բաժնի ծառայողները, իրացնելով օպերատիվ տվյալները, նույն օրը, ժամը 14.15-ին, Շինարարների եւ Էստոնական փողոցների խաչմերուկից, գողություն կատարելու կասկածանքով, բերման են ենթարկել Կապան քաղաքի բնակիչ, 56-ամյա տղամարդու:
Ոստիկանությունից հայտնում են, որ պարզվել է, որ նա մայիս-հունիս ամիսներին Երեւանի Շիրազի եւ Բաշինջաղյան փողոցներում գտնվող սուպերմարկետներից գողացել է «Աբսալյուտ» տեսակի 11 օղի եւ «Արարատ» տեսակի 14 կոնյակ:
Վնասի չափը պարզվում է:
Նախապատրաստվում են նյութեր:
