Շիրակի մարզում երեկ ուշ երեկոյան ավտովթար է տեղի ունեցել: Սարակապ գյուղի բնակիչ, 17-ամյա Ռ. Ծ.-ն իր վարած ВАЗ 2109 մակնիշի ավտոմեքենայով Հայկաձոր գյուղի վարչական տարածքում դուրս է եկել ճանապարհի երթևեկելի գոտուց և կողաշրջվել: Shamshyan com-ից տեղեկանում ենք, որ վթարի հետևանքով վարորդ Ռ. Ծ.-ն, նրա ուղևորներ, համագյուղացիներ, 16-ամյա Ա. Ա.-ն և 17-ամյա Գ. Գ.-ն մարմնական վնասվածքներով այսօր կեսգիշերն անց, տեղափոխվել են Գյումրու Մոր և մանկան Ավստրիական հիվանդանոց: Աղբյուրի տեղեկություններով՝ վարորդ Ռ. Ծ.-ն Սարակապ գյուղի միջնակարգ դպրոցի տնօրեն Միսակ Ծառուկյանի տղան է: Ավտոմեքենան էլ հաշվառված է Մ. Ծառուկյանի անվամբ: