Ահազանգ պատկան մարմիններին. ՖԲ-ում վայրի թռչնի` բուի ձագերեն են վաճառում

Ֆեյսբուքյան օգտատեր Աշոտ Հարությունյանն իր էջում հրապարակել է սոցիալական կայքի «Առնեմ ծախեմ» խմբում տեղադրված մի հայտարարություն։ Դրանում Մհեր Աղաջանյան անունով օգտատերը վաճառում է վայրի թռչնի` բվի ձագեր։ «Բուն ընտանի կենդանի չէ։ Մանավանդ ձագուկ ժամանակ իրենք պիտի մնան մայր բվի հսկողության տակ: Գիշատիչ թռչունը ունի որսի ամենակատարյալ ձևը ու հետագա կյանքի համար պիտի բնակվի բնության մեջ»,– գրում է ահազանգ հնչեցրած Հարությունյանը։ Հայտարարության մեջ քաղաքացին հրապարակել է ոչ միայն որսված ու վանդակների մեջ գտնվող կենդանիների լուսանկարները, այլև իր հեռախոսահամարը` պոտենցիալ գնորդների համար։