Այսօր վերջին զանգ է: Քանի՞ շրջանավարտ կա, և ո՞ր առարկաներից են պետական քննություններ հանձնելու նրանք: Կրթական տեխնոլոգիաների ազգային կենտրոնի վիճակագրական բաժնից SHANTNEWS.am-ին հայտնեցին, որ այս տարի վերջին զանգը հնչելու է Հայաստանի Հանրապետության 1409 պետական և ոչ պետական հանրակրթական դպրոցներում: ԿՏԱԿ-ից մեզ հայտնեցին, որ 2018-2019 թթ.-ին ՀՀ պետական և ոչ պետական դպրոցներում ավարտում է 12-րդ դասարանի 18.996 աշակերտ և 9-րդ դասարանի 32.198 աշակերտ: Հատկանշական է, որ պատկերը թվային առումով մոտ է նախորդ՝ 2017-2018 թթ․ ուսումնական տարվան, երբ 12-րդ դասարանն ավարտել է 18.749 աշակերտ, իսկ 9-րդ դասարանը՝ 29․362-ը: Վերջին զանգից հետո 9-րդ և 12-րդ դասարանի շրջանավարտները հանձնելու են պետական ավարտական քննություններ: 12-րդ դասարանի շրջանավարտների համար պետական ավարտական քննություններ նախատեսված են հետևյալ առարկաներից. 1. Հայոց լեզու և գրականություն, 2. Մաթենատիկա, 3. Բնագիտություն (ընտրովի՝ ֆիզիկա, քիմիա, աշխարհագրություն, կենսաբանություն), 4. Հայոց պատմություն, 5. Օտար լեզու (անգլերեն, ֆրանսերեն, գերմաներեն և այլն), 6. Ռուսաց լեզու, 7. Ֆիզկուլտուրա։ 9-րդ դասարանի շրջանավարտների համար պետական ավարտական քննություններն են. 1. Հայոց լեզու և հայ գրականություն, 2.Մաթեմատիկա, 3. Օտար լեզու (անգլերեն, ֆրանսերեն, իսպաներեն և այլն), 4. Հայոց պատմություն, 5. Բնագիտություն (ընտրովի՝ ֆիզիկա, քիմիա, աշխարհագրություն, կենսաբանություն):