Լևոն Երանոսյանի որդու և մասնակցությամբ ծեծկռտուքի գործով երկու անձի մեղադրանք է առաջադրվել
ՀՀ դատախազության հանրային կապերի բաժնից հայտնում են, որ ՀՀ ոստիկանության զորքերի նախկին հրամանատար Լևոն Երանոսյանի որդու և փեսայի մասնակցությամբ ծեծկռտուքի դեպքի առթիվ հարուցված քրեական գործով մեղադրանք է առաջադրվել 2 անձի: Վերջիններիս մեղադրանք է առաջադրվել ՀՀ ՔՕ-ի 118-րդ հոդվածի` ծեծի հատկանիշներով։
Ս. թ. ապրիլի 7-ին ոստիկանությունն ահազանգ էր ստացել ոստիկանության զորքերի նախկին հրամանատար Լևոն Երանոսյանի որդու և փեսայի մասնակցությամբ Երևան քաղաքի Կոմիտասի պողոտայում տեղի ունեցած ծեծկռտուքի մասին: Դեպքի առթիվ հարուցվել էր քրեական գործ` ՀՀ քրեական օրենսգրքի 118-րդ հոդվածով:
