ELARD ընկերությունը ՀՀ քննչական կոմիտեի` հատկապես կարևոր գործերի քննության գլխավոր վարչության վարույթում քննվող քրեական գործով նշանակված համալիր փորձաքննության եզրակացությունը դեռևս չի ներկայացրել, հետևաբար` խոսք անգամ չի կարող գնալ եզրակացության արդյունքների դրական կամ բացասական լինելու մասին: Այս մասին Shantnews. am-ի հետ զրույցում ասաց ՀՀ քննչական կոմիտեի լրատվության բաժնի պետ Նաիրա Հարությունյանը: «Ամուլսարի ոսկեբեր քվարցիտային հանքի շահագործման նպատակով նշանակված համալիր փորձաքննության եզրակացությունը դեռևս չի ստացվել: Փորձաքննության եզրակացությունը կտրամադրվի նախապես հայտարաված ժամկետներում»,- ասաց Հարությունյանը: Հիշեցնենք, որ մամուլում լուրեր են շրջանառվում Ամուլսարի հանքի հետագա շահագործման նպատակով նշանակված փորձաքննության եզրակացության ստացման վերաբերյալ: