Երևանում կանխվել է ապօրինի շինարարությունը
Երևանի քաղաքապետարանի պաշտոնական ֆեյսբուքյան էջը տեղեկացնում է, որ բացատրական աշխատանքների շնորհիվ կանխվել է հերթական ապօրինի շինարարությունը:
«Երևանի Մոսկովյան անցուղի 5 հասցեի հարակից տարածքում կանխվել է հերթական ապօրինի շինարարությունը: Տնտեսվարողը ներկայացրել է տեղում շինարարական աշխատանքներ իրականացնելու թերի փաստաթղթեր և, առանց թույլտվություն ստանալու, սկսել աշխատանքները:
Երևանի քաղաքապետարանի աշխատակազմի քաղաքաշինության և հողի վերահսկողության վարչության աշխատակիցների կողմից իրականացված բացատրական աշխատանքների արդյունքում տնտեսվարողը կանգնեցրել է շինարարական աշխատանքներն ու ապամոնտաժել արդեն իսկ կառուցված հատվածը»,- ասված է քաղաքապետարանի ֆեյսբուքյան պաշտոնական էջում:
