![Կիևյան կամրջի սկզբնամասում ВАЗ 21099 մակնիշի մեքենան դուրս է եկել հանդիպակաց երթևեկելի գոտի](https://auroranews.am/storage/img/base_image/old/8d5ba6d54d257a0d581e666b790eaba2.webp)
Կիևյան կամրջի սկզբնամասում ВАЗ 21099 մակնիշի մեքենան դուրս է եկել հանդիպակաց երթևեկելի գոտի
![Կիևյան կամրջի սկզբնամասում ВАЗ 21099 մակնիշի մեքենան դուրս է եկել հանդիպակաց երթևեկելի գոտի](https://auroranews.am/storage/img/base_image/old/8d5ba6d54d257a0d581e666b790eaba2.webp)
Այսօր ժամը 08:40-ի սահմաններում Կիևյան կամրջի սկզբնամասում բախվել են 18-ամյա Գոռ Մաթևոսյանի վարած ВАЗ 21099 և Սերոբ Հարյանի վարած Mitsubishi մակնիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով ВАЗ 21099-ի վարորդն ու նրա ուղևոր, Երևանի բնակիչ Գագիկ Խաչատրյանը մարմնական վնասվածքներով տեղափոխվել են Արմենիա բժշկական կենտրոն: Դեպքի վայրում հավաքված քաղաքացիներն ասում էին, որ ВАЗ 21099-ի վարորդը իրեն պահել է ոչ ադեկվատ: Իսկ ահա դեպքի վայր է եկել մի տղամարդ էլ, ով ներկայացել է այդ վարորդի պապիկ. ասում էր, որ թոռը ավտոմեքենան փախցրել է: Հետաքննիչի հանձնարարականով ավտոմեքենաները տեղափոխվել են Երևանի ՃՈ պահպանվող հատուկ տարածք: Ֆոտոլրագրողը հայտնում է, որ վթարի մեղավորը եղել է 099-ի վարորդը, ով դուրս է եկել հանդիպակաց երթևեկելի գոտի և բախվել Mitsubishi-ին:
Լուսանկարները՝ Գագիկ Շամշյանի