![ՔԿՀ-ներում թաքստոցներ են հայտնաբերվել](https://auroranews.am/storage/img/base_image/old/6bb8e2d68be02f7973fd00c800ee71db.webp)
ՔԿՀ-ներում թաքստոցներ են հայտնաբերվել
![ՔԿՀ-ներում թաքստոցներ են հայտնաբերվել](https://auroranews.am/storage/img/base_image/old/6bb8e2d68be02f7973fd00c800ee71db.webp)
Մայիսի 16-ին՝ ժամը 17:00-ի սահմաններում, ՀՀ ԱՆ «Արթիկ» քրեակատարողական հիմնարկի աշխատակիցները չնախատեսված խուզարկությունների արդյունքում խցերից մեկի վարդակի տակից հայտնաբերել և առգրավել են 1 բջջային հեռախոս, իսկ ՀՀ ԱՆ «Նուբարաշեն» քրեակատարողական հիմնարկում՝ 2 հատ սայր, 21 հատ ինքնաշեն խաղաքարտ, սիգարետի տուփի միջից՝ 1 բջջային հեռախոս: Այս մասին հայտնում են ՀՀ արդարադատության նախարարության քրեակատարողական ծառայությունից:
Նույն օրը՝ ժամը 19:30-ի սահմաններում, ՀՀ ԱՆ «Հրազդան» քրեակատարողական հիմնարկում իրականացված չնախատեսված խուզարկությունների արդյունքում տարբեր խցերից հայտնաբերվել և առգրավվել են 7 բջջային հեռախոս, բջջային հեռախոսի լիցքավորման 3 սարք և 20 հատ գործարանային արտադրության խաղաքարտ:
Թվով 6 բջջային հեռախոս, բջջային հեռախոսի լիցքավորման 4 սարք և 1 wi-fi սարք էլ հայտնաբերվել են այսօր՝ ժամը 10:00-ի սահմաններում, ՀՀ ԱՆ «Սևան» քրեակատարողական հիմնարկում իրականացված չնախատեսված խուզարկությունների արդյունքում:
Դեպքերի առթիվ նախապատրաստվում են նյութեր: