Տեսնեմ մի քաղաքացու ծեծի են ենթարկում, կանգնեցի, միջամտեցի․ փոխնախարար

ՀՀ տրանսպորտի, կապի և տեղեկատվական տեխնոլոգիաների նախարարի առաջին տեղակալ Արմեն Փամբուխչյանը ֆեյսբուքյան իր էջում գրել է․ «Չարենց փողոցով մեքենայով գնում եմ, տեսնեմ մի քաղաքացու ծեծի են ենթարկում, կանգնեցի, միջամտեցի և ոստիկանություն ու շտապ օգնություն կանչեցի: Այժմ Կենտրոն և Նոր Մարաշ ոստիկանական բաժանմունքում եմ, կասկածյալը բերման ենթարկված, իսկ տուժուղին հեսա կմոտենան բժիշները: Նոր Հայաստանում նման գործելաոճն արգելված է ու բոլորս մեր մասով պետք է հսկողություն իրականացնենք»։ Ավելի ուշ փոխնախարարը հավելել է․ «Էրեբունի հիվադանոցում եմ, տուժողին վիրակապում են,վտանգավոր բան կարծես թե չկա: Ձեր հին բարքերը թողեք անցյալում, այլապես ստիպված յուրաքանչյուրիդ հետ անհատական կզբաղվենք՝ օրենքի շրջանակներում»: