Գյումրու դպրոցի կաթսայատանը կախված վիճակում դի է հայտնաբերվել
Մայիսի 9-ին, ժամը 18:13-ին 911 ծառայությանը տեղեկություն է հաղորդվել, որ Շիրակի մարզի Գյումրի քաղաքի Եսայան փողոցում գտնվող թիվ 15 դպրոցի կաթսայատան մոտ գազատար խողովակից կախված քաղաքացու դի կա. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարներն իջեցրել են Ա.Խ.-ի (ծնված 1985 թ.) դին:
***
Մայիսի 9-ին, ժամը 14:05-ին 911 ծառայությանը տեղեկություն է հաղորդվել, որ Արմավիրի մարզի Էջմիածին քաղաքի Վազգեն 1-ին փողոցի թիվ 3 շենքի բնակարաններից մեկի դուռը փակ է, բնակիչը չի արձագանքում դռան թակոցներին. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները բացել են դուռը և հյուրասենյակի հատակին հայտնաբերել Մ.Պ.-ի (ծնված 1961 թ.) դին:
***
Մայիսի 9-ին, ժամը 13:18-ին 911 ծառայությանը տեղեկություն է հաղորդվել, որ Արագածոտնի մարզի Աղձք գյուղի 14-րդ փողոցի տներից մեկի տանիքում կա քաղաքացու դի. տանիքից իջեցնելու համար անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարներն Ա.Մ.-ի (ծնված 1984 թ.) դին իջեցրել են տանիքից և հանձնել շտապօգնության աշխատակիցներին:
