Ձեր կարծիքով՝ ես Սերժ Սարգսյանի հետ շփվելո՞ւ եմ։ Այս մասին այսօր լրագրողների հետ զրույցում ասաց ՀՀ վարչապետ Նիկոլ Փաշինյանը` ընդգծելով, որ չի պատրաստվում Արցախում վաղը շփվել Սերժ Սարգսյանի հետ։ «Ինքն էլ է Հայաստանում, ես էլ եմ Հայաստանում, ինքն էլ է Արցախում, ես էլ եմ Արցախում, դրանից ի՞նչ։ Ես կորոշեմ Սերժ Սարգսյանի հետ հանդիպեմ, թե չէ, Սերժ Սարգսյանը չի կարող որոշել ինձ հետ հանդիպի, թե չէ, բայց ես կարող եմ որոշել իր հետ հանդիպեմ, թե չէ», - ասաց նա։ Վարչապետի խոսքով` երկիրը թալանողներն իրեն մեղադրում են երկիրը ծախելու մեջ, երբ բանակցությունների է գնում: Վարչապետն ասաց` Ղարաբաղի հարցում կարևոր որոշումներ կայացնողը պիտի լինի ժողովուրդը` տեսակապով, հանրահավաքով կամ այլ մեթոդով: «Ինչ մեդալ ուզում է դոշներիդ կախած լինի. այո’, ժողովուրդն է որոշելու Ղարաբաղի հարցը: Բա ո ՞վ պիտի որոշի. բանակի հաշվին վզները հաստացրածնե՞րը, երկիր թալանածնե՞րը: Դուք ո՞վ եք, որ Ղարաբաղի հարցին խառնվեք կամ ինձ հողերը ծախելու մեջ մեղադրեք: Սերմացու գողացող մկներն իրավունք չունեն խոսել Ղարաբաղի մասին»,- ասաց վարչապետ Նիկոլ Փաշինյանը: