ՏԵՍԱՆՅՈՒԹ՚ Մեկը տերտեր է սիրում, մեկը՝ տերտերը կնիկ. ԱԻ նախարարը՝ կառավարության աշխատանքի մասին
Հիմա կառուցվածքային փոփոխությունների փուլում ենք մենք գտնվում։ Այս մասին այսօր լրագրողների հետ զրույցում ասաց ԱԻ նախարար Ֆելիքս Ցոլակյանը` խոսելով ԱԻՆ համակարգում փոփոխությունների մասին։
«Փորձում ենք ավելի օպտիմալացնել ծառայությունները, ստեղծել մեկ պատուհան, մարդկային շփումները դիմողների հետ քչացնել»,– ասաց Ցոլակյանը։
Լրագրողի հարցին, թե հասարակության սպասելիքները վարչապետ Փաշինյանից մեկ տարվա կտրվածքով իրականացան, թե ավելին կարող էր անել, Ցոլակյանը պատասխանեց. «Մեկը տերտեր է սիրում, մեկը՝ տերտերի կնիկ։ Մեկն ուզում է տեսնել, որ շատ լավ է ամեն ինչ, մյուսը չէ։ Մարդկանց տարբեր գնահատականներ կան, բայց ես գնահատում եմ լավ, դրական, եւ հենց այս ձեւ էլ պետք է լիներ, ես այս ձեւ էլ պատկերացնում էի»,– ասաց Ցոլակյանը։
Տեսանյութըՙ News am-ի:
